فى سنة 1954 كان فى راجل صاحب شركات كتير اسمه phill Knight شركاته فلست تماماً.. قرر انه يبدأ تانى من الصفر من جراج بيته.
كان عايز يعمل خط انتاج احذية و ملابس رياضية و بدأ يجيب مكنة او 2 يشتغل عليهم لحد ما يكبر و يتوسع.
بعد ما عمل اول حذاء رياضى بص كدا و افتكر انه معندوش logo او شعار الناس تعرف الماركة بيه او تميزه..
بص فى جيبه ملقاش فلوس و المصممين اللى بيعملوا شعارات محترمة محتاج يدفعلهم مش اقل من 800 دولار!! بدأ يلف على طلاب كليات الفنون و الجرافيك بحيث سعرهم حنين يعنى و عرض عليهم انهم يصمموله لوجو و يديهم 200 دولار و بعد 4 شهور كمان!
محدش رضى طبعا دا اكيد واحد جاى يهزر!!
تطوعت طالبة اسمها كارولين و قالتله مش مهم انا هعملهولك و هساعدك و فضلت تصممه و تظبطة 3 ايام وراحت قدمته لـ phill .. وهو مبصش فيه و حاطه و خلاص على اعتبار ان بس دى حاجة مؤقته لحد ما يبقى معاه فلوس يعمل لوجو قيم عند مصمم كبير.
بعد شهور قليلة المكنتين بقوا 5 و الناس بتتهافت على المنتج بشكل جنونى!! و لما بقى معاه فلوس مبقاش عارف يغير اللوجو لان الناس خلاص عرفته بيه!
بعد 10 سنين phill عمل حفلة بمناسبة نجاح شركته الباهر و جمع فيه كل الناس اللى ساعدته و كان منهم كارولين اللى كافئها ب اهدائها 5000 سهم فى شركته ليها لوحدها مدى الحياة، وكان ردها عليه انها يوم ما قررت تعمله اللوجو مكانش هدفها الفلوس و كان هدفها انها تساعد حد بيحاول ينجح.
الشركة دى هى شركة Nike اللى اول ما بيجى اسمها بتفتكر اول حاجة " علامة الصح "
ليست هناك تعليقات:
إرسال تعليق